Նույնացման համարը՝ 1GYKNGRS1KZ226113: Ավտոմեքենան զննվել է ակնադիտական եղանակով, ընթացքային հիմնական ագրեգատները, մեխանիզմները, դետալները և հանգույցները նախընթաց շահագործման ընթացքում ձեռք են բերել բնական շահագործողական մաշվածություն, դրան համապատասխան որակի և գոյապաշարի կորուստ։ Վնասվել, դեֆորմացվել և շարքից դուրս են եկել մեքենայի առջևի թափարգելը երեսպատիչով, ձախ անվաթևը, անվաթևի պաշտպանիչը, թափարգելի տակի պաշտպանիչը, հետևի ձախ անվաթևի վրադիրը, առջևի աջ և ձախ անվահեծերը։ Հետևի ձախ անվաթևի ստորին հատվածը՝ փոս ընկած, դեֆորմացված։ Բացակայում են առջևի ձախ անվաթևի վրադիրը, առջևի ձախ անվադողը։ Առջևի ձախ լուսարձակ լապտը և հակամառախուղային լապտը՝ վնասված։ Ղեկի անվտանգության բարձիկը, ձախ կողային անվտանգության վարագույրը /շտորկա/՝ բացված։ Առկա անվադողերը՝ կիսամաշված։ Ավտոմեքենայի թափքի վրա առկա են փոս ընկած, խազած, քերծված հատվածներ, որոնք ենթակա են վերանորոգման։ Ավտոմեքենայի դռների բացման և թողարկման բանալիների բացակայության պատճառով վազքի ցուցիչը հնարավոր չէր ֆիքսել /ըստ copart աճուրդի կայքի՝ կազմել է 51278 կմ/, ինչպես նաև բացել շարժիչի խցիկի ծածկոցը և բեռնախցիկի ծածկոցը։ Ավտոմեքենայի գույնի որոշումը մոտավոր է։

 Գույքը գտնվում է մաքսային հսկողության ներքո, ապրանքը գնելուց հետո կարող է բաց թողնվել միայն օրենքով սահմանված կարգով գնորդի կողմից մաքսային համապատասխան ձևակերպումները և անհրաժեշտ վճարումները կատարելուց հետո: