Գյուղատնտեսական գործունեության հողատարածքի /վարելահողի/ ընդհանուր մակերեսը ըստ սեփականության իրավունքի գրանցման վկայականի կազմում է 3800քմ, որն իր երկրաչափական տեսքով և տեղադրական դիրքով համապատասխանում է տեղանքի կադաստրային էլեկտրոնային քարտեզի տվյալներին, սակայն սահմանային չափային տվյալներում առկա է որոշակի անհամապատասխանություն․ մասնավորոպես՝ վկայականում օրինական գրանցված 3800քմ մակերեսի փոխարեն էլեկտրոնային քարտեզում հողատարաքի մակերեսը կազմում է 3022․6քմ, որը 777․4քմ մակերեսով պակաս է օրինական գրանցված մակերեսից։ Վարելահողը «Հողամասի սխեմատիկ հատակագծի» 7-1 շրջադարձային /բեկման/ կետերում հարակից է ճանապարհին, 3-5 շրջադարձային /բեկման/ կետերում՝ ազատ տարածքների, իսկ մնացած շրջադարձային /բեկման/ կետերում՝ հարևան հողատարածքների, որոնք հստակ սահմանազատված չեն։ Հողամասը ջրովի է, ծանրաբեռնված չէ շինություններով։ Անշարժ գույքի շուկայական արժեքը սահմանվել է «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի հիման վրա՝ հաշվարկված կադաստրային արժեքի չափով։