Պատերը՝ տուֆ քարից, հիմքը՝ երկաթբետոնե, միաձույլ, ժապավենաձև, ծածկը՝ երկաթբետոնե, տանիքածածկը՝ թերթաքար, ներքին հարդարանքը իրականացված է ներկանյութերով, մուտքի դուռը՝ երկաթե, ներքին դռները՝ փայտյա, պատուհանների շրջանակները՝ փայտյա և մետաղապալստե, հատակները՝ փայտյա և բետոնապատ, որոշ սենյակներում առանց հարդարման, պատերի վրա առկա են խունացած, բորբոսնած, գաջածածկույթի պոկված և թափված հատվածներ, սանհանգույցը՝ առանց հարդարման, ունի էլ. հոսանք, գազ, ջրամատակարարում, կոյուղի: Սեփականության իրավունքով, բնակավայրերի նշանակության, բնակելի կառուցապատման հողամաս՝ 1300քմ: Առկա է թոնրատուն՝ 14․4քմ, անասնաշենք՝ 48քմ, մառան՝ 27քմ, պարիսպ՝ 2․54 քմ, 4․57 խ․մ: Օժանդակ շինություններում ներքին հարդարանք չկա, մուտքի դռները բացակայում են։ Անշարժ գույքի նկատմամբ իրավունքի պետական գրանցման վկայականում կադաստրային ծածկագիրը նշված է 07-050-0014-0006, սակայն Նոր Երզնկա բնակավայրը Կոտայքի մարզային տարածքից ընդգրկվել է Արագածոտնի մարզային տարածքում, Աշտարակ համայնքում և ըստ անշարժ գույքի միավորի որակական և քանակական բնութագրերի վերաբերյալ տեղեկանքի՝ կադաստրային ծածկագիրը փոխվել է և դարձել 02-116-0014-0006։