Տեխնիկական անձնագրի համարը՝ PB509614, նույնացման համարը՝ XTA21099043573509, շարժիչի հզորությունը՝ 78 Ձ.ՈՒ. / 57 ԿՎՏ: Ավտոմեքենայի զննումն իրականացվել է տեսողական զննության եղանակով, ընթացքային հիմնական ագրեգատները, մեխանիզմները, դետալները և հանգույցները նախընթաց շահագործման ընթացքում ձեռք են բերել բնական շահագործողական մաշվածություն, դրան համապատասխան որակի և գոյապաշարի կորուստ: Արտաքին զննության ժամանակ միշտ չէ, որ հնարավոր է լինում հայտնաբերել դետալների և հանգույցների թաքնված արատները, որոնք կարող են ի հայտ գալ միայն հանգույցի կամ դետալի անմիջական բացման և ստուգման ժամանակ: Ավտոմեքենայի թափքի վրա առկա են խազված, ներկաշերտը խամրած, կոռոզիայի ենթարկված, ներկածածկույթը թափված բազմաթիվ տեղեր, անվադողերը՝ կիսամաշ, սրահի վիճակը` բավարար, նստատեղերը` կտորե, մաշված և պատառոտված տեղերով, ձախ լուսարձակի լապտի ապակին կոտրված է: Մարտկոցը լիցքաթափված լինելու պատճառով հնարավոր չի եղել ֆիքսել վազքի ցուցմունքը, շարժիչի և փոխանցման տուփի աշխատունակության աստիճանը` բավարար։ Բեռնախցիկը հնարավոր չի եղել բացել, ինչի արդյունքում չի պարզվել ավտոմեքենայի վրա գազաբալոնային համակարգի առկայությունը։